Roz na jaane kitne bhakt apni samasyao k saath bhole bhandari k darbaar me aate hain , aur jaise bhagwaan apne andar saare dukh samet lete hain.
Us mandir k ek vayo vridhh pujaari the , unka naam tha VIDYAPRASAD BHAARGAV. Unhe koi dukh agar nahi tha , To koi khushi bhi nahi thi.kyuki unki
patni ki maut tab ho gayi thi jab wo 38 saal ke the . Unka beta Ahamdabaad me padhaayi kar raha tha. Wo humesha mandir me akele rehte the. Par kya
kuch aisa tha jo unhe bechain kar raha tha ? shayad haan! ...par kya?
Din -Mangalwaar , taareekh 15 march 2005. ki Achchanak ek awaaz ne subeh VIDYAPRASAD ki aankein khol di. Na jaane kaun si dhun me the wo, us awaaz ko sun ke naange paanv Ganga ghaat ki taraf bhaage ! Aaj shayad wo kuch ajeeb sa mehsoos kar rahe the. Jaise hi wo ghaat ki taraf pahuche , unki aankho ne ek alag hi manzar dekha. Ek garbhwati aurat behoshi ki halat me ganga ma ki lehero se ghaat me tadap rahi thi.
Isse pehle ki wo aage badh paate , wahaan mandir ki kuch aurato ne us garbhwati aurat ko chaaro taraf se gher liya.Shayad pujari ka wahi ruk jana hi thik tha. Unki aankhien dekhna chaah rahi thi ki kya hua hai aakhir us aurat ko. Apne aap pe kaabu kar wo do pal k liye wahi thithak gaye. Aur agle 4 se 5 palo k bheetar unhe ek Navjaat Shishu ke rone ki awaaz sunaayi di.
Un paas khadi aurato ne us Shishu ko uthaya aur Pujaari ke samne le aayae. Pujaari use sparsh bhi kar pata ki achchanak uski nazar wapas sahil k kinaare tadapti hui us Ma pe padi , jisne abhi abhi us bachche ko janm diya tha. Wo turant hi us aurat k paas aa gaye. Wo shayad apni aakhiri saasein gin rahi thi. Pujaari kuch poochta usse , isse pehle wo bol uthi - 'M..Me... Mere bachche ko bada karna, ........ a..a aur yahi aage duniya ka raja banega!....aaahhh !'
Aur inhi aakhiri shabdo k saath usne apna dam tod diya. Pujaari ek dum shant the . Unki saamne jo hua , uski unhone kabhi kalpna bhi nahi ki thi. Pujaari Vidyaprasad ne use apni God me uthaya aur sirf ek shabd kaha - ' PAARTH ' . Us bachche ka naamkaran ho chuka tha. PAARTH yani ARJUN . Par na to yahaan Mahabharat ka yudhh chal raha tha aur na hi aas paas baaki 4 bhaai the uske. Wo to khud KARNA ki tereh is jeevnlok me aya hai , to fir PAARTH kaise? ..Hume bhi nahi pata , aur shayad khud PAARTH ko bhi nahi ki uski aane wali zindgi use kaun sa roop dikhayegi.
Din beet te gaye , samay beet ta gaya. 15 Feb 2008 , Shukravaar ka din. Ab PARTH 3 saal ka ho chuka tha. Apne nanhe nahe paav se chalta hua , wo mandir aur ghaat aur galiyaaro me khelta rehta tha. Us din uska Janmdin tha. Subeh ki pooja k baad Pujari Vidyadhar ne PAARTH ke janmdin ki pooja ki. Sabko bhoj karaya. Shaam hui aur Saandhykaalin pooja k liye , Pujari ne PAARTH se paas k jalashay se ek Kalash me paani laane ko kaha. Apne chote chote kadmo se daudta hua wo jalashay k paas pahucha. Un nanhe haatho se pakde hue us kalash me usne paani bhara aur mandir ki or badh chala.
Abhi PAARTH mushkil se 5 kadam hi chal paya hoga ki achchanak uska santulan bigda aur wo zamin par kalash k saath gir pada. Wo zor se cheeekha . Mandir ke pujari aawaz sun ke bhaage chale aye . Use Pujari Vidyaprasad k paas laya gaya. PAARTH ka jism akda hua tha .Aur abhi filhaal ke liye wo behosh tha.
Agle din subeh 9 baje , Sabne use mandir me khelte hue paya. Beeti shaam ko kaya hua tha, koi nahi janta tha. Siwaay Pujari Vidyaprasad jaante ke . Wo kaafi kuch jante the.
Samay tezi se karwat le raha tha. Ab PAARTH , mandir ke mahaul me budhdhimaan hota ja raha tha . Lagbhag 4 saal ki umr me uski baatein 8 saal ke bachcho jaisi thi.Kuch hi dino me Vidyaprasad ne use apne Guru Shivanand ke paas Banaras bhej diya. Wahan se PAARTH guru ke saath DWARKA , MATHURA , HARIDWAAAR aur VRINDAVAN jaise teerth sthalo pe ja kar Anubhav paane laga.
Ye ghatna Haridwaar ki hai . Ek shaam Paarth apne sathi gurujano ke sath ek hawan ke liye nikla tha. Use agle din paas waale gaano me pahuchna tha. Raat bhar ka safar tha. Shehar ko jane wala raasta ekdum saaf tha, Government ne wo rasta pakka karwa kar wahan awagaman ki suvidha badha di thi. Subeh hoti to thik tha , aas paas bazar bhi thi kha pi bhi le sakte the wo sab , par raat ka safar thoda kathin tha. Koi sadhan nahi tha doosre gaaano me jane ka. Ass paas ke ped apne shakhaao se bhare hue darawne dikh rahe the. Hawa bhi dheeme dheeme apne thand k prataap ko badhane ke saath ghabra ghabra ke beh rahi thi. Charr- marrr ki awaaz se raatri ke jeev apni manhosiyat ka ehsaas dila rahe the. Par unhone kisi ka bhay nahi kiya aur aage badhte gaye.
Achchanak Paarth ki Nazar ek kaauve ( Crow) pe padi. Wo jangli kauva tha. Parth k sath 4 gurujan the , par unhe wo kauva dikha nahi aisa kehna galat hoga. Unhe bhi dikha , par unhone use andekha kara aur aage badh gaye. PAARTH ne kauve ki aankho me aankhein daale hui thi, wo dono ek doosre ko ghoor rahe the. Gurujan 5 se 10 kadam aage badhe hi honge ki achchanak wo peeche palte aur jo unhone dekha wo kuch dil dehlane wala tha. PAARTH ka shareer kala pad raha tha , par wo us kauve ki taraf nazar abhi bhi milaye hue tha, achchanak ek roshni aayi aur kauve ko uda kar le gayi .
Paarth wahin pe shaant khada raha . Gurujan uske paas gaye , tab tak uska shareer wapas samaany ho gaya tha. Ek ne paarth se poocha, " PAARTH ! kya tha wo? kaun tha wo ?
aur ye ..ye sab hua kya tha? " Paarth do pal shaant khada raha , fir bola - " Lagta hai ki mujhe apne janm ka rahasya jaanna hoga...! " yeh keh kar wo aage badh chala, Subeh ke 4 bajne wale the , aur thode hi der me wo gaano bhi aa gaya. Sabne mil kar us din us Gaano k mukhiya ke yahan Hawan kiya aur shaam se pehle wo wahaan se apne Aashram ki taraf wapas ho liye.
- To be continued.....
Comments
Post a Comment